تعالوا نتجمع هنا لغاية ما يرجع المنتدى ....ياللا يا بنات

السلام عليكم يا جميلات حواء
تعالوا هنا كلكم
تعالوا نتجمع هنا لغاية ما ترجع رانيا لبيتها وترجع المنتدى
رانيا للأسف مش في البيت
هي مسافرة عند حماها لأنه مريض وبيعمل عملية
ياريت اللي تقرأ الموضوع ده تبعت اللينك لكل اللي عندها على الماسنجر والسكايب علشان نفضل سوا لغاية ما المشكلة تتحل بدل ما نفضل نلف على بعض
وياريت يكون دايما في بالنا المنتدى هنا ونتجمع فيه عند حدوث أي مشكلة لاقدر الله
حد طايل يبقى عنده منتدى إسبير ههههههههههه
في إنتظاركم يا جميلات

تسلمى يابلبله ياقمر
انا كنت هكلمك امبارح اسألك المشكله دى عندكم ولا انا بس بحسب الكمبيوتر حصله حاجه
اصل لنت كانت فيه مشاكل عندى امبارح وبيقطع بس معرفتش اكلمك مكنتش فى المود خالص الله يقطع المذكرة بقى هههههههه اخيرا الحمد لله اخر يوم النهاردة
وهناخد 10 ايام اجازة قبل مانرجع للهم تانى

مساء الخير عليكم يا بنات
ايه مشكله المنتدى وليه بيحصل كده كل شويه
ربنا يشفى والد زوج رانيا وينجح عمليته ان شاء الله وترجع لبيتها بالف سلامه
الحمد لله انا مواظبه على قيام الليل وقراءه حزب يوميا ولله الحمد

ما شاء الله عليكم ياجميلات
ان شاء الله دايما متجمعين

إزيكم يا جميلات
وحشتوووووووووووووووني
أخباركم إيه؟
فين الرغي والحكايات
ماشاء الله عليكي يا هبة
ربنا يفتح عليكي ويقويكي ويشرح صدرك لدراستك ونفرح بتفوقك والماجستير والدكتوراة

أه نسيت
وعقبال مانفرح بنجاح ريم بنت نيفين في أول إبتدائي........يا جمالها يا ناس
والله ربنا يعينك فعلا لأن أول طفل الواحدة بتبقى أعصابها مشدودة معاه جدا كأنه في ثانوية عامة
لكن بعد كده ح تلاقي الأمور أهون وخدتي على دربكة الإمتحانات وقلقها
المهم إوعي تنقلي لها إحساس التوتر من الإمتحانات بدل ما تطلع زي ريم الكبيرة (أختك اللي هي أنا يعني)
كنت بأتوتر جدا في الإمتحانات وأقلق وأرجع وتظهر أعراض القولون العصبي والمثانة العصبية رغم إني كنت بأطلع الأولى ومتفوقة مش خايبة لدرجة مرة إتعمل لي لجنة خاصة أيام الجامعة
علشان كده طلعت ولادي عكسي تماما وعندهم الإمتحانات زي الأيام العادية
لاقلق لا توتر لا شد أعصاب
بس بيني وبينك أنا لسه بأعاني وبأبقى متوترة بالنيابة عنهم بس مخبية
ربنا يوفق أولادنا جميعا
أنا ح أرغي مع نفسي كتير؟؟؟؟؟؟؟؟؟؟؟

ازيكم يا جميلات معلش ان شاء الله رانيا لماترجع بالسلامة تظبط الامور كلها
ربنا مع كل اللى بيمتحنوا انا زيك ياريم بالظبط كل الاعراض دى وكمان مش بعرف انام خالص ليله الامتحان ودلوقتى بعمل كدا فى امتحانات ابنى وهو ولافارقة معاه
ربنا معاهم وبالنجاح والتوفيق يارب
اتصلت بيك امبارح يا بلبله

ازيكم ياجميلات ربنا معاكم ومع اولادكم ويكونوا من المتفوقين

مافيش اخبار عن رانيا ولا عن حماها ياريت حد يطمنا

صباح الخير يا بنات
ان شاء الله جمعه مباركه علينا كلنا
لا تنسوا قراءه سوره الكهف

مساء الجمال عليكم جميعا
ويارب تتهنو بالسنه الجديده وريزمتى كل سنه وانتى وانتى طيبه يا قمر عيد ميلاد سعيد
وطبعا محمد ابنى برضه عيد ميلاده اليوم وعكمان عاصم زوجى برضه عيد ميلاده اليوم
كل سنه وانتم جميعا بخير وطيببين

كل سنة وكلكم طيبين وسنة جديدة سعيدة على الجميع
تسلمي يا مي وكل سنة ومحمد وعاصم طيبين
ده أول عيد ميلاد ليا وإحنا كلنا سوا وحاسة ليه بطعم جميل وجديد وسطيكم

ازيكم يا جميلات
وحشتونى اوى اوى
اخباركم ايه
الحمد لله حمايا عمل العملية وبقى احسن
انا جيت لقيت الشركة بعتالى على الاميل ان المنتدى هيفصل وهيرجع بعد يوم والمفروض كان يرجع انهارده الصبح بس الى رجع الدومين المؤقت بس الدومين الاساسى مرجعش مش عارفة ليه عمو ما ده رابط الدومين المؤقت على اما التانى يرجع
http://hawasawa.powweb.com/gmilaat/vb/index.php

حمدا لله على سلامتك يا رانيا وسلامة حماكيحاشوف اللينك
وأخبار المجلة إيه؟ طلعت؟